టీపీసీసీ అధ్యక్షుడు రేవంత్ రెడ్డిని హైదరాబాద్ పోలీసులు హౌస్ అరెస్ట్ చేశారు. ఆయన ఇంటి వద్ద పోలీసులు భారీగా మోహరించారు. రేవంత్ రెడ్డి ఇంటికి దారితీసే రోడ్లపై బారికేడ్లు పెట్టి దిగ్బంధం చేశారు. కేంద్ర, రాష్ట్ర ప్రభుత్వాల ప్రజా వ్యతిరేక విధానాలకు నిరసనగా కాంగ్రెస్ వరుస ఉద్యమాలకు పిలుపునిచ్చింది. విద్యుత్ చార్జీల పెంపు, ధాన్యం కొనుగోలు పోరాటంలో భాగంగా నేడు విద్యుత్ సౌధ, సివిల్ సప్లైస్ భవనాల ముట్టడికి తెలంగాణ కాంగ్రెస్ యత్నించింది. ఈ నేపథ్యంలో పోలీసులు అప్రమత్తమయ్యారు. ఈ క్రమంలో రాష్ట్రవ్యాప్తంగా కాంగ్రెస్ నాయకులను పోలీసులు గృహ నిర్బంధం చేస్తున్నారు. దానిలో భాగంగా రేవంత్ రెడ్డిని కూడా గృహ నిర్బంధంలోకి తీసుకున్నారు. హైదరాబాద్ జూబ్లీహిల్స్లోని రేవంత్ ఇంటికి చేరుకున్న పోలీసులు ఆయనను బయటకు రాకుండా అడ్డుకున్నారు. ఆయన నివాసం చుట్టూ పెద్ద సంఖ్యలో సిబ్బందిని మోహరించారు. అలాగే, మరికొందరు కీలక నాయకులను కూడా పోలీసులు గృహనిర్బంధం చేస్తున్నారు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ