ఉక్రెయిన్‌లో చిక్కుకున్న తెలుగు వారికోసం హెల్ప్ లైన్ సెంటర్స్ ఏర్పాటు చేసిన ఏపీ ప్రభుత్వం

February 26, 2022

రష్యా సైనిక చర్యతో ఉక్రెయిన్‌ లో ఉద్రిక్త పరిస్థితులు నెలకున్న విషయం తెలిసిందే. కాగా ఈ పరిస్థితుల్లో ఆంధ్రప్రదేశ్ రాష్ట్రానికి చెందిన పలువురు విద్యార్థులు ఉక్రెయిన్‌ లో చిక్కుకుపోయారు. ఈ నేపథ్యంలో.. ఉక్రెయిన్‌ లో చిక్కుకుపోయిన తెలుగు విద్యార్థులకు సహాయం చేసేందుకు ఏపీ ప్రభుత్వం అన్ని చర్యలు తీసుకుంటోంది. ముఖ్యమంత్రి వైఎస్ జగన్ మోహన్ రెడ్డి ఆదేశాల మేరకు ఆంధ్రప్రదేశ్ రాష్ట్ర ప్రభుత్వం.. న్యూఢిల్లీతో పాటుగా ఆంధ్రప్రదేశ్ సెక్రెటేరియట్ లలో హెల్ప్ లైన్ సెంటర్స్ ఏర్పాటు చేసింది. అలాగే కేంద్ర విదేశీ వ్యవహారాల మంత్రిత్వ శాఖతో సమన్వయం చేసుకుని, ఉక్రెయిన్‌ లో చిక్కుకున్న విద్యార్థులకు/వలసదారులుకు సాధ్యమైన అన్ని విధాల మద్దతును అందించాలని ఢిల్లీలోని ఏపీ భవన్ రెసిడెంట్ కమిషనర్ కు రాష్ట్ర ప్రభుత్వ ప్రధాన కార్యదర్శి సమీర్ శర్మ సూచించారు.