హుజూరాబాద్‌ లో ఈటల రాజేందర్ రోడ్‌షో

June 8, 2021

మాజీ మంత్రి ఈటల రాజేందర్ మంగళవారం నాడు తన నియోజకవర్గమైన హుజూరాబాద్ లో పర్యటించారు. ఈ సందర్భంగా హైదరాబాద్ నుండి కమలాపూర్ కు వచ్చిన ఈటల రాజేందర్ కు అభిమానులు, కార్యకర్తలు ఘన స్వాగతం పలికారు. కమలాపూర్ వరకు పెద్దఎత్తున ద్విచక్ర వాహన ర్యాలీ చేపట్టారు. శుంభుని పల్లి, కమలాపూర్‌, కానిపర్తిలలో ఈటల రోడ్‌షో నిర్వహించారు. టీఆర్ఎస్ పార్టీ సభ్యత్వానికి, ఎమ్మెల్యే పదవికి రాజీనామా చేస్తునట్టు ఈటల రాజేందర్ ఇటీవలే ప్రకటించిన సంగతి తెలిసిందే. రాజీనామా అనంతరం తొలిసారిగా కమలాపూర్ చేరుకున్న ఆయనకు గ్రామ ప్రజలు మంగళ హారతులతో స్వాగతం పలికారు. హుజురాబాద్ లో ఈటల పర్యటన నేపథ్యంలో పోలీసులు భారీగా మోహరించారు. మరోవైపు జూన్ 13న లేదా జూన్ 14న ఢిల్లీలో బీజేపీ జాతీయ అధ్యక్షుడు జేపీ నడ్డా సమక్షంలో ఈటల బీజేపీలో చేరనున్నట్టు సమాచారం.