తెలంగాణ రాష్ట్రంలో ఎంసెట్-2021 మొదటి విడత కౌన్సెలింగ్ షెడ్యూల్ విడుదలైంది. ఆగస్టు 30 నుంచి మొదటి విడత కౌన్సెలింగ్ ప్రక్రియ ప్రారంభం కానుంది. తెలంగాణ ఉన్నత విద్యా మండలి ఛైర్మన్ పాపిరెడ్డి అధ్యక్షతన మంగళవారం టీఎస్ ఎంసెట్-2021 అడ్మిషన్స్ కమిటీ సమావేశం జరిగింది. సాంకేతిక విద్యా శాఖ కమిషనర్ నవీన్ మిట్టల్, టీఎస్ ఎంసెట్ కన్వీనర్, ఇతర అడ్మిషన్స్ కమిటీ సభ్యులు ఈ సమావేశంలో పాల్గొని అడ్మిషన్ ప్రక్రియపై చర్చించారు. అనంతరం కౌన్సెలింగ్ షెడ్యూల్ పై నవీన్ మిట్టల్ ప్రకటన విడుదల చేశారు. తుది విడత కౌన్సెలింగ్ షెడ్యూల్ కూడా త్వరలోనే వెల్లడిస్తామని తెలిపారు.
టీఎస్ ఎంసెట్-2021 అడ్మిషన్స్ కౌన్సెలింగ్ షెడ్యూల్:
మొదటి విడత:
- ఆన్లైన్ లో ప్రాథమిక సమాచారం నమోదు, ప్రాసెసింగ్ ఫీజు చెల్లింపు, సర్టిఫికేట్ వెరిఫికేషన్ కోసం స్లాట్ బుకింగ్ – ఆగస్టు 30 నుంచి సెప్టెంబర్ 9 వరకు
- స్లాట్ బుక్ చేసుకున్న విద్యార్థుల సర్టిఫికేట్స్ వెరిఫికేషన్ చేసే తేదీలు – సెప్టెంబర్ 4 నుంచి సెప్టెంబర్ 11 వరకు
- సర్టిఫికేట్స్ వెరిఫికేషన్ అనంతరం వెబ్ ఆప్షన్స్ పక్రియ – సెప్టెంబర్ 4 నుంచి సెప్టెంబర్ 13 వరకు
- ఆప్షన్స్ ఫ్రీజింగ్ సమయం – సెప్టెంబర్ 13
- మొదటి విడత సీట్లు కేటాయింపు – సెప్టెంబర్ 15
- వెబ్ సైట్ ద్వారా ఫీజు చెల్లింపు, సెల్ఫ్ రిపోర్టింగ్ – సెప్టెంబర్ 15 నుంచి సెప్టెంబర్ 20 వరకు
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ