ఆంధ్రప్రదేశ్ రాష్ట్రంలో ఇంటర్మీడియట్ వార్షిక పరీక్షల షెడ్యూల్ ను డిసెంబర్ 2, సోమవారం నాడు ఇంటర్మీడియట్ బోర్డు విడుదల చేసింది. మార్చి 4 నుంచి 21 వరకు ఇంటర్ మొదటి సంవత్సరం పరీక్షలు, మార్చి 5 నుంచి 23 వరకు ఇంటర్ రెండవ సంవత్సరం పరీక్షలు నిర్వహించనున్నట్లు ఇంటర్ బోర్డు ప్రకటించింది. అన్ని పరీక్షలు ఉదయం 9 గంటల నుంచి మధ్యాహ్నం 12 గంటల మధ్య నిర్వహించబడతాయి. సాధారణ విద్యార్థులతో పాటు ఒకేషనల్ కోర్సు విద్యార్థులకూ కూడా ఇవే తేదీలు వర్తిస్తాయి. అలాగే ఫిబ్రవరి 1 నుంచి 20 వరకు ప్రాక్టికల్ పరీక్షలు నిర్వహించనున్నారు. జనవరి 28వ తేదీన నైతిక, మానవ విలువల పరీక్ష మరియు జనవరి 30న పర్యావరణ విద్య పరీక్ష జరగనున్నాయి. జంబ్లింగ్ విధానంలో అభ్యర్థులకు పరీక్ష కేంద్రాలను కేటాయించబోతున్నారు. ఈ మేరకు ఇంటర్ బోర్డు కార్యదర్శి వి.రామకృష్ణ షెడ్యూల్ను వెల్లడించారు.
ఇంటర్ మొదటి సంవత్సరం పరీక్షల షెడ్యూల్:
మార్చి 4: సెకండ్ లాంగ్వేజ్ పేపర్- 1
మార్చి 6: ఇంగ్లీష్ పేపర్-1
మార్చి 9: మ్యాథమేటిక్స్ పేపర్- 1A, బోటనీ పేపర్- 1, సివిక్స్ పేపర్- 1,
మార్చి 12: మ్యాథమేటిక్స్ పేపర్-1B, జువాలజీ పేపర్ -1, హిస్టరీ పేపర్ -1
మార్చి 14: ఫిజిక్స్ పేపర్ -1, ఎకనామిక్స్ పేపర్ -1
మార్చి 17: కెమిస్ట్రీ పేపర్ -1, కామర్స్ పేపర్ -1, సోషియాలజీ పేపర్ -1, ఫైనర్ ఆర్ట్స్, మ్యూజిక్ పేపర్ -1
మార్చి 19: పబ్లిక్ అడ్మినిస్ట్రేషన్ పేపర్ -1, లాజిక్ పేపర్ -1, బ్రిడ్జ్ కోర్సు మ్యాథ్స్ పేపర్ -1 (బైపిసి విద్యార్థులకు)
మార్చి 21: మోడరన్ లాంగ్వేజ్ పేపర్ -1 మరియు జాగ్రఫీ పేపర్ -1.
ఇంటర్ రెండవ సంవత్సరం పరీక్షల షెడ్యూల్:
మార్చి 5: సెకండ్ లాంగ్వేజ్ పేపర్- 2
మార్చి 7: ఇంగ్లీష్ పేపర్ -2
మార్చి 11: మ్యాథమేటిక్స్ పేపర్- 2A, బోటనీ పేపర్- 2, సివిక్స్ పేపర్- 2
మార్చి 13: మ్యాథమెటిక్స్ పేపర్- 2B, జువాలజీ పేపర్- 2, హిస్టరీ పేపర్- 2
మార్చి 16: ఫిజిక్స్ పేపర్-2, ఎకనామిక్స్ పేపర్-2
మార్చి 18: కెమిస్ట్రీ పేపర్-2, కామర్స్ పేపర్ -2, సోషియాలజీ పేపర్-2, ఫైన్ ఆర్ట్స్, మ్యూజిక్ పేపర్ -2
మార్చి 20: పబ్లిక్ అడ్మినిస్ట్రేషన్ పేపర్ -2, లాజిక్ పేపర్ -2, బ్రిడ్జ్ కోర్సు మ్యాథ్స్ పేపర్ -2
మార్చి 23: మోడరన్ లాంగ్వేజ్ పేపర్ -2, జాగ్రఫీ పేపర్ -2.
[subscribe]