ఏపీలో కొత్తగా 997 కరోనా పాజిటివ్ కేసులు, 282 రికవరీలు నమోదు

March 29, 2021

ఆంధ్రప్రదేశ్ రాష్ట్రంలో కరోనా వ్యాప్తి కొనసాగుతుంది. గతకొన్నిరోజులుగా మళ్ళీ పెద్దసంఖ్యలో కేసులు నమోదవుతున్నాయి. ఆదివారం ఉదయం 9 గంటల నుంచి సోమవారం ఉదయం 9 గంటల వరకు 31,325 కరోనా పరీక్షలు నిర్వహించగా 997 మందికి పాజిటివ్ గా నిర్ధారణ అయినట్టు పేర్కొన్నారు. రాష్ట్రంలో మొత్తం కరోనా పాజిటివ్‌ కేసుల సంఖ్య 8,99,812 కు చేరుకుంది. ఇక కరోనా వలన అనంతపూర్, చిత్తూరు, కర్నూల్, నెల్లూరు మరియు విశాఖపట్నం జిల్లాల్లో ఒక్కొక్కరు చొప్పున మరణించారు. దీంతో మొత్తం కరోనా మరణాల సంఖ్య 7210 కి పెరిగింది. గత 24 గంటల్లో 282 మంది కరోనా నుంచి కోలుకోవడంతో ఇప్పటివరకు రికవరీ అయినవారి సంఖ్య 8,86,498 కు చేరుకుంది. ప్రస్తుతం రాష్ట్రంలో 6104 యాక్టీవ్ కేసులు ఉన్నాయి.