ఆసియా కప్-2022 షెడ్యూల్ విడుదల అయింది. ఆసియా క్రికెట్ కౌన్సిల్ (ఏసీసీ) ఈ రోజు (ఆగస్టు 2, మంగళవారం) షెడ్యూల్ ను అధికారికంగా విడుదల చేసింది. ఈ టోర్నీ ఆగస్టు 27న దుబాయ్ లో ప్రారంభం కానుండగా, ఫైనల్‌ సెప్టెంబర్ 11న జరగనుంది. ఆసియా క్రికెట్ కౌన్సిల్ (ఏసీసీ) అధ్యక్షుడు, బీసీసీఐ కార్యదర్శి జై షా ట్వీట్ చేస్తూ, “ఎట్టకేలకు నిరీక్షణ ముగిసింది. ఆసియన్ ఆధిపత్యం కోసం ఆగస్టు 27న యుద్ధం ప్రారంభం కానుండగా, సెప్టెంబర్ 11న అత్యంత ముఖ్యమైన ఫైనల్‌తోముగియనుంది. ఈ 15వ ఎడిషన్ ఆసియా కప్ ఐసీసీ టీ-20 ప్రపంచ కప్‌కు ముందు ఆదర్శవంతమైన సన్నాహకంగా ఉపయోగపడుతుంది” అని పేర్కొన్నారు.
ఆసియా కప్ లో భారత్, పాకిస్థాన్‌, శ్రీలంక, అఫ్గానిస్థాన్‌, బంగ్లాదేశ్‌తో పాటు ఆసియా నుంచి మరో క్వాలిఫయర్‌ జట్టు తలపడనుంది. గ్రూప్‌-ఏలో భారత్, పాకిస్థాన్‌, క్వాలిఫయర్‌ జట్లు ఉండగా, గ్రూప్‌-బిలో శ్రీలంక, బంగ్లాదేశ్‌, ఆఫ్ఘానిస్థాన్‌ జట్లు ఉన్నాయి. కాగా చాలాకాలం తరువాత భారత్, పాకిస్తాన్ జట్లు ఆసియా కప్ లో తలపడనున్నాయి. దాయాదుల మధ్య పోరు దుబాయి వేదికగా ఆగస్టు 28న జరగనుంది. యూఏఈలోని దుబాయ్ మరియు షార్జా వేదికల్లోనే ఈ టోర్నీ యొక్క మొత్తం 13 మ్యాచ్ లు జరగనున్నాయి. షార్జాలో మూడు మ్యాచ్, దుబాయ్ ఇంటర్నేషనల్ స్టేడియంలో 10 మ్యాచ్ లు జరగనున్నాయి. ఈ ఏడాది ఆసియా కప్ టీ20 ఫార్మాట్‌ లో నిర్వహించనున్నారు. ముందుగా ఆసియా కప్-2022 శ్రీలంక వేదికగా నిర్వహించాల్సి ఉండగా, ఆ దేశంలో తాజా రాజకీయ పరిస్థితుల దృష్ట్యా వేదికను యూఏఈకి మార్చారు.
The wait is finally over as the battle for Asian supremacy commences on 27th August with the all-important final on 11th September.
The 15th edition of the Asia Cup will serve as ideal preparation ahead of the ICC T20 World Cup. pic.twitter.com/QfTskWX6RD
— Jay Shah (@JayShah) August 2, 2022
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEY
