ఇంగ్లండ్ క్రికెట్ బోర్డు కొత్త టెస్టు కెప్టెన్‌గా స్టార్ ఆల్ రౌండర్ బెన్ స్టోక్స్‌ను ప్రకటించింది. ఈ నిర్ణయం ద్వారా బెన్ స్టోక్స్ ఇంగ్లండ్‌కు పూర్తి స్థాయి టెస్టు కెప్టెన్‌గా కొనసాగనున్నాడు. ముఖ్యంగా, జో రూట్ ఆస్ట్రేలియాలో 4-0 యాషెస్‌ను కోల్పోవడం మరియు వెస్టిండీస్‌లో 1-0తో సిరీస్ ఓటమి పాలవడం నేపథ్యంలో వైదొలిగాడు. ఇంగ్లాండ్ రూట్ కెప్టెన్సీలో తన గత 17 టెస్టులలో ఒకదానిని మాత్రమే గెలుచుకోవడంతో అతనిపై ఇంటా, బయటా అనేక విమర్శలు వచ్చాయి. ఏప్రిల్‌లో వెస్టిండీస్‌తో జరిగిన టెస్టు సిరీస్‌లో ఇంగ్లండ్ ఘోరంగా ఓడిపోయిన అనంతరం జో రూట్ కెప్టెన్‌గా వైదొలిగాడు. అతని స్థానంలో ఇప్పుడు ఇంగ్లండ్ క్రికెట్ బోర్డు స్టోక్స్‌ని నియమించింది.
Congratulations to our new Men’s Test captain, @benstokes38! 🏴🏏
— England Cricket (@englandcricket) April 28, 2022
ఇంగ్లాండ్ అండ్ వేల్స్ క్రికెట్ బోర్డు (ECB) పురుషుల క్రికెట్ మేనేజింగ్ డైరెక్టర్‌గా నియమితులైన తర్వాత రాబ్ కీ తన మొదటి మీడియా సమావేశంలో ఈ విషయాన్ని ప్రకటించాడు. రాబ్ కీ ఈ వారంలో బెన్ స్టోక్స్‌తో చర్చలు జరిపాడు. కాగా రూట్ కెప్టెన్సీలో వైస్ కెప్టెన్‌గా పనిచేసిన అనుభవం స్టోక్స్‌కి ఉంది. అంతేకాక జట్టులో ఉన్న ఆటగాళ్లలో అతను బెస్ట్ ఆల్ రౌండర్ కావడం, ఇంగ్లండ్ విజయాలలో కీలక పాత్ర పోషించిన కారణంగా స్టోక్స్‌పై బోర్డు నమ్మకముంచింది. దీనిపై స్టోక్స్ స్పందిస్తూ.. ఇంగ్లండ్‌కు కెప్టెన్‌గా ఉండటం గొప్ప గౌరవం అని, జట్టును ముందుకు తీసుకెళ్లే బాధ్యతను సమర్ధవంతంగా పోషిస్తానని పేర్కొన్నాడు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ
