టీఆర్ఎస్ ఎమ్మెల్సీ సురభి వాణిదేవి కారు అసెంబ్లీ ఆవరణలో ప్రమాదానికి గురైంది. ప్రమాదం జరిగిన సమయంలో వాణి దేవి కారులో లేరు. గురువారం ఉదయం అసెంబ్లీకి చేరుకున్న అనంతరం ఆమె లోపలకి వెళ్లగా, కారును పార్కింగ్ చేసే సమయంలో ఈ ప్రమాదం జరిగింది. ఆమె డ్రైవర్ కు బదులుగా గన్మెన్ కారును పార్కింగ్ చేసేందుకు ప్రయాణించడంతో అసెంబ్లీ ప్రాంగణంలోని రైల్వే కౌంటర్‌ వద్ద కారు అదుపుతప్పి గేటును ఢీకొట్టింది. ఈ ప్రమాదంలో కారు టైరు పేలిపోవడంతో పాటుగా, కారు ముందు భాగం ధ్వంసమైంది. మరోవైపు ఈ ఘటనలో నిబంధనలకు విరుద్ధంగా కారు నడిపిన గన్మెన్ భానుప్రకాశ్‌ను హైదరాబాద్ సీపీ అంజనీకుమార్ సస్పెండ్ చేశారు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ
