ఇంట‌ర్ పరీక్షల మోడ‌ల్ పేప‌ర్స్ విడుద‌ల చేసిన తెలంగాణ ఇంటర్ బోర్డు

February 6, 2021

తెలంగాణ రాష్ట్రంలో ఇంటర్మీడియట్ వార్షిక పరీక్షలకు సంబంధించిన షెడ్యూల్ ను ఇటీవల విడుదల సంగతి తెలిసిందే. షెడ్యూల్ ప్రకారం మొదటి సంవత్సరం పరీక్షలు మే 1వ తేదీ నుంచి 19వ తేదీ వరకు, ద్వితీయ సంవత్సరం పరీక్షలు మే 2వ తేదీ నుంచి 20వ తేదీ వరకు నిర్వహించనున్నారు. మరోవైపు రాష్ట్రంలో కరోనాతో ఏర్పడ్డ పరిస్థితుల దృష్ట్యా ఇంట‌ర్మీడియ‌ట్ సిల‌బ‌స్‌ను 70 శాతానికే ప‌రిమితం చేశారు. ఈ నేపథ్యంలో ఇంట‌ర్ ప‌రీక్షల ప్ర‌శ్నాప‌త్రాల్లో స్వ‌ల్ప మార్పులు చేశారు. మార్పులకు అనుగుణంగా ఉండబోయే ఇంట‌ర్ జనరల్ సబ్జెక్ట్స్ పరీక్షల యొక్క మోడ‌ల్ పేప‌ర్స్‌ను ఇంట‌ర్మీడియ‌ట్ బోర్డు తాజాగా విడుద‌ల చేసింది. మోడ‌ల్ పేప‌ర్స్ ను https://tsbie.cgg.gov.in/ వెబ్‌సైట్‌ లో అందుబాటులో ఉంచారు. పేపర్లవారీగా సెక్షన్-A/పార్ట్-1, సెక్షన్-బి, సెక్షన్-సి లలో మార్పులను మోడ‌ల్ పేప‌ర్స్‌ ద్వారా తెలియజేశారు.