దేశంలో మరో 169 కరోనా కేసులు నమోదు, రోజువారీ పాజీటివిటీ రేట్ ఎంతంటే?

February 24, 2023

దేశంలో కరోనా మహమ్మారి ప్రభావం పూర్తిగా అదుపులోనే ఉంది. గత 24 గంటల్లో కొత్తగా 169 పాజిటివ్ కేసులు నమోదవడంతో ఫిబ్రవరి 24, శుక్రవారం ఉదయం 8 గంటల వరకు మొత్తం కరోనా కేసుల సంఖ్య 4,46,85,619 కు చేరుకుంది. కాగా కరోనా వలన మరో మరణం (కర్ణాటకలో 1) నమోదు కావడంతో, మొత్తం మరణాల సంఖ్య 5,30,764కి పెరిగింది. ముఖ్యంగా కర్ణాటక (49), కేరళ (44), మహారాష్ట్ర (22), తమిళనాడు (12), తెలంగాణ (12) వంటి రాష్ట్రాల్లోనే రోజువారీ కరోనా కేసులు నమోదు కొంత ఎక్కువుగా ఉంది. కాగా దేశంలోని 21 రాష్ట్రాలు/కేంద్ర పాలిత ప్రాంతాల్లో ఎలాంటి కొత్త కేసులు నమోదుకాలేదు.

దేశంలో 2,016 యాక్టీవ్ కరోనా కేసులు, రికవరీ రేటు 98.81 శాతం:

దేశంలో ప్రస్తుతం 2,016 యాక్టీవ్ కరోనా కేసులు ఉన్నాయి. ఇక కొత్తగా 152 మంది కోలుకోవడంతో ఇప్పటివరకు దేశంలో కరోనా బారినపడి కోలుకున్న వారి మొత్తం సంఖ్య 4,41,52,839 కు చేరుకుంది. కరోనా రికవరీ రేటు 98.81 శాతంగా నమోదు కాగా, కరోనా మరణాల రేటు 1.19 శాతంగా ఉంది. మరోవైపు ఫిబ్రవరి 23న 1,07,631 శాంపిల్స్ కు పరీక్షలు నిర్వహించగా, రోజువారీ పాజిటివిటీ రేటు 0.16 శాతంగా నమోదైంది.