రాష్ట్రపతి రామ్‌నాథ్ కోవింద్ పుట్టినరోజు సందర్భంగా శుభాకాంక్షలు తెలిపిన ప్రధాని మోదీ, సీఎం కేసీఆర్

October 1, 2021

భారత రాష్ట్రపతి రామ్‌నాథ్ కోవింద్ పుట్టిన రోజు సందర్భంగా ప్రధాని నరేంద్ర మోదీ, తెలంగాణ ముఖ్యమంత్రి కె.చంద్రశేఖర్ రావు సహా పలువురు గవర్నర్లు, ముఖ్యమంత్రులు, రాజకీయ ప్రముఖులు శుభాకాంక్షలు తెలిపారు. ప్రధాని నరేంద్ర మోదీ ట్వీట్ చేస్తూ “రాష్ట్రపతి రామ్‌నాథ్ కోవింద్ కు పుట్టినరోజు శుభాకాంక్షలు. ఆయన వినయపూర్వకమైన వ్యక్తిత్వం కారణంగా, మొత్తం దేశం చేత గౌరవించబడ్డారు. సమాజంలోని పేద మరియు అట్టడుగు వర్గాల సాధికారతపై ఆయన దృష్టి ఆదర్శప్రాయమైనది. ఆయన దీర్ఘ మరియు ఆరోగ్యకరమైన జీవితాన్ని గడపాలి” అని పేర్కొన్నారు.

అలాగే రాష్ట్రపతి రామ్ నాథ్ కోవింద్ పుట్టిన రోజును పురస్కరించుకుని, తెలంగాణ ప్రజలు, రాష్ట్ర ప్రభుత్వం తరపున సీఎం కేసీఆర్ ఆయనకు జన్మదిన శుభాకాంక్షలు తెలిపారు. మరిన్ని కాలాలపాటు దేశానికి సేవలు అందించేలా, రాష్ట్రపతికి భగవంతుడు ఆయురారోగ్యాలు, శక్తిని అందించాలని సీఎం కేసీఆర్ ప్రార్థించారు.