అమెరికా ఉపాధ్యక్షురాలు కమలా హారిస్ కు కోవిడ్-19 పాజిటివ్ గా నిర్ధారణ అయింది. ఈ విషయాన్ని ఆమే స్వయంగా ట్విట్టర్ వేదికగా వెల్లడించారు. “ఈరోజు నాకు కోవిడ్-19 పాజిటివ్ అని తేలింది. నాకు ఎటువంటి లక్షణాలు లేవు మరియు నేను సీడీసీ మార్గదర్శకాలను పాటించడంతో పాటుగా ఐసోలేషన్ ను అనుసరించడం కొనసాగిస్తున్నాను. నేను రెండు డోసుల వ్యాక్సిన్, బూస్టర్ డోస్ కూడా తీసుకున్నాను” అని కమలా హారిస్ ట్వీట్ చేశారు. కమలా హారిస్ ట్వీట్ నేపథ్యంలో ఆమె కోవిడ్ నుంచి త్వరగా కోలుకోవాలని పలువురు ప్రపంచ నేతలు, సన్నిహితులు, అభిమానులు సోషల్ మీడియాలో పోస్టులు పెడుతున్నారు. మరోవైపు ప్రస్తుతం ప్రపంచవ్యాప్తంగా పలు దేశాల్లో కోవిడ్ మళ్ళీ తీవ్ర ప్రభావం చూపుతుంది. అగ్రరాజ్యం అమెరికాలో కూడా కరోనా తీవ్రత ఎక్కువుగానే ఉంది. రోజువారీగా వేల సంఖ్యలో పాజిటివ్ కేసులు, వందల సంఖ్యలో కోవిడ్ మరణాలు నమోదవుతున్నాయి.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ