ఉమెన్స్ ప్రీమియర్ లీగ్-2023 వేలం లైవ్ అప్‌డేట్స్

February 13, 2023

ఉమెన్స్ ప్రీమియర్ లీగ్ (డబ్ల్యూపీఎల్)-2023 వేలం పక్రియ ఈరోజు (ఫిబ్రవరి 13, సోమవారం) మధ్యాహ్నం 2:30 గంటలకు ముంబయిలోని జియో వరల్డ్ కన్వెన్షన్ సెంటర్‌ లో ప్రారంభమైంది. ప్రారంభ డబ్ల్యూపీఎల్-2023 లో ఆడేందుకు వేలం కోసం ముందుగా మొత్తం 1525 మంది క్రికెటర్లు పేర్లు నమోదు చేసుకోగా, వేలంలో ఉండే 409 మంది ఉమెన్ క్రికెటర్లతో కూడిన తుది జాబితాను భారత్ క్రికెట్ నియంత్రణ మండలి (బీసీసీఐ) ఇటీవలే ప్రకటించింది. ఈ 409 మంది ప్లేయర్స్ లో 246 మంది భారత ఉమెన్ క్రికెటర్లు, మరియు 163 మంది విదేశీ, అలాగే 8 మంది అసోసియేట్ దేశాలకు చెందిన ఉమెన్ క్రికెటర్లు ఉన్నారు. వీరిలో 202 మంది తమ దేశానికి ప్రాతినిధ్యం వహించిన ఆటగాళ్ళు కాగా (క్యాప్‌డ్‌ ప్లేయర్లు), 199 మంది ఇప్పటివరకు దేశానికి ప్రాతినిధ్యం వహించని వాళ్ళు అన్‌క్యాప్‌డ్‌ ప్లేయర్లు) మరియు ఎనిమిది మంది అసోసియేట్‌ దేశాల క్రికెటర్లు ఉన్నారు. మొత్తం ఐదు జట్లతో గరిష్టంగా 90 స్లాట్‌లు అందుబాటులో ఉన్నాయి, 30 మంది విదేశీ ప్లేయర్స్ కు స్లాట్ చేయబడ్డాయి.

ఉమెన్స్ ప్రీమియర్ లీగ్-2023లో ముంబయి ఇండియన్స్, ఢిల్లీ క్యాపిటల్స్, రాయల్ చాలెంజర్స్ బెంగళూరు, యూపీ వారియర్స్, గుజరాత్ జెయింట్స్ వంటి 5 జట్లు/ప్రాంఛైజీలు ఆడనున్న విషయం తెలిసిందే. ఉమెన్స్ ప్రీమియర్ లీగ్ ప్రారంభ ఎడిషన్ 2023, మార్చి 4 నుండి 26 వరకు ముంబయిలో జరగనుంది. మొత్తం 22 మ్యాచ్‌లు ఆడనుండగా, ముంబయిలోని బ్రబౌర్న్ స్టేడియం మరియు డీవై పాటిల్ స్టేడియంలోనే అన్ని మ్యాచ్ లు జరగనున్నాయి. ఈ నేపథ్యంలోనే నేడు డబ్ల్యూపీఎల్-2023 కోసం వేలం పక్రియ జరుగుతుంది.