ఆంధ్రప్రదేశ్లో కొత్తగా ఏర్పాటైన జిల్లాలకు లోకల్ గవర్నమెంట్ డైరెక్టరీ (ఎల్జీడీ) కోడ్లు కేటాయించారు. ఇటీవల కొత్తగా ఏర్పాటు చేసిన 13 జిల్లాలకు కేంద్ర ప్రభుత్వం ఈ లోకల్ ఎల్జీడీ కోడ్లు కేటాయించింది. ఇకపై ఈ కొత్త కోడ్ల ఆధారంగానే పాలనాపరమైన వ్యవహారాలు జరుగనున్నాయి. కాగా మరో కొత్త జిల్లా ఏరాటు చేయాలనే ప్రతిపాదనలో కూడా ఏపీ ప్రభుత్వం ఆలోచన చేస్తున్నదనే విషయాన్ని నిన్న మంత్రి పేర్ని నాని తెలిపారు. అయితే, ఈ కొత్త జిల్లా ఏర్పడుతుకు మరికొంత సమయం పట్టొచ్చు. ఎందుకంటే మళ్ళీ దానికి సంబంధించి నోటిఫికేషన్ ఇవ్వడం దగ్గర్నుంచి ముఖ్యమంత్రి ఆమోదం వరకు కొంత ప్రక్రియ జరగాల్సి ఉంది. ఒకేవేళ ఏదైనా కొత్త జిల్లా ఏర్పాటైతే అప్పుడు మళ్ళీ ఆ జిల్లాకు కూడా ఒక ఎల్జీడీ కోడ్ను కేటాయిస్తారు. ప్రస్తుతం 13 కొత్త జిల్లాలకు కేటాయించిన ఎల్జీడీ కోడ్లు ఈ క్రింది విధంగా ఉన్నాయి.
- 743 – పార్వతీపురం మన్యం జిల్లా
- 744 – అనకాపల్లి జిల్లా
- 745 – అల్లూరి సీతారామరాజు జిల్లా
- 746 – కాకినాడ జిల్లా
- 747 – కోనసీమ జిల్లా
- 748 – ఏలూరు జిల్లా
- 749 – ఎన్టీఆర్ జిల్లా
- 750 – బాపట్ల జిల్లా
- 751 – పల్నాడు జిల్లా
- 752 – తిరుపతి జిల్లా
- 753 – అన్నమయ్య జిల్లా
- 754 – శ్రీ సత్యసాయి జిల్లా
- 755 – నంద్యాల జిల్లా
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ