తెలంగాణలో మెదక్ జిల్లాలోని దుబ్బాక అసెంబ్లీ నియోజకవర్గ ఉప ఎన్నికకు సంబంధించిన షెడ్యూల్ ను కేంద్ర ఎన్నికల సంఘం ఈ రోజు విడుదల చేసింది. దుబ్బాక నియోజకవర్గంలో నవంబర్ 3 న పోలింగ్ నిర్వహించనున్నట్టు ప్రకటించారు. దుబ్బాక టిఆర్ఎస్ ఎమ్మెల్యే సోలిపేట రామలింగారెడ్డి ఇటీవలే అనారోగ్యంతో కన్నుమూశారు. దీంతో ఆ స్థానం ఖాళీ అవడంతో ఉప ఎన్నిక జరగనుంది. ఉపఎన్నికకు షెడ్యూల్ రావడంతో నేటి నుంచే దుబ్బాక నియోజకవర్గంలో ఎన్నికల కోడ్ వర్తించనుంది.
దుబ్బాక అసెంబ్లీ ఉప ఎన్నిక షెడ్యూల్:
- నోటిఫికేషన్ జారీ తేదీ: అక్టోబర్ 9
- నామినేషన్ల దాఖలుకు ఆఖరి తేదీ: అక్టోబర్ 16
- నామినేషన్ల పరిశీలన: అక్టోబర్ 17
- నామినేషన్ల ఉపసంహరణ గడువు: అక్టోబర్ 19
- పోలింగ్ తేదీ: నవంబర్ 3
- ఓట్ల లెక్కింపు పక్రియ: నవంబర్ 10
మ్యాంగో న్యూస్ యాప్ లింక్స్:
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJu