తెలంగాణ రాష్ట్రంలో ఉద్యోగాల భర్తీ ప్రక్రియ ముమ్మరంగా కొనసాగుతుంది. ఇప్పటికే గ్రూప్-1, 2, 3, 4 సహా పలు విభాగాల్లో ఉద్యోగాల భర్తీకి తెలంగాణ రాష్ట్ర పబ్లిక్ సర్వీస్ కమిషన్ (టీఎస్పీఎస్సీ) నోటిఫికేషన్స్ విడుదల చేయగా, దరఖాస్తుల ప్రక్రియ కూడా ముగిసింది. దీంతో టీఎస్పీఎస్సీ వరుసగా ఆయా నోటిఫికేషన్స్ కు సంబంధించిన పరీక్షల తేదీలను వెల్లడిస్తుంది. ఈ క్రమంలో మరో మూడు ఉద్యోగ నోటిఫికేషన్ల రాత పరీక్షల తేదీలను టీఎస్పీఎస్సీ శుక్రవారం ప్రకటించింది. వెటర్నరీ అసిస్టెంట్ సర్జన్, హార్టికల్చర్ ఆఫీసర్, అసిస్టెంట్ మోటార్ వెహికల్ ఇన్స్పెక్టర్ పోస్టుల భర్తీకి రాత పరీక్షలు తేదీలను టీఎస్పీఎస్సీ వెల్లడిస్తూ, ఈ పోస్టుల భర్తీ కోసం కంప్యూటర్ ఆధారిత రిక్రూట్మెంట్ పరీక్ష నిర్వహించబడుతుందని తెలియజేసింది.
మూడు ఉద్యోగ నోటిఫికేషన్ల రాత పరీక్షల తేదీలు ఇవే:
- వెటర్నరీ అసిస్టెంట్ సర్జన్ క్లాస్-ఏ&బీ (వెటర్నరీ అండ్ యానిమల్ హస్బెండరీ శాఖ) – మార్చి 15 (ఉదయం, మధ్యాహ్నం సెషన్లలో), మార్చి 16న తేదీన ఉదయం సెషన్ లో పరీక్ష నిర్వహణ -185 పోస్టులు – కంప్యూటర్ ఆధారిత రిక్రూట్మెంట్ పరీక్ష.
- హార్టికల్చర్ ఆఫీసర్ (ఉద్యానవన శాఖ డైరెక్టర్ నియంత్రణ) – ఏప్రిల్ 4న ఉదయం, మధ్యాహ్నం సెషన్లలో పరీక్ష నిర్వహణ – 22 పోస్టులు – కంప్యూటర్ ఆధారిత రిక్రూట్మెంట్ పరీక్ష.
- అసిస్టెంట్ మోటార్ వెహికల్ ఇన్స్పెక్టర్ (రవాణా శాఖ) – ఏప్రిల్ 23న ఉదయం, మధ్యాహ్నం సెషన్లలో పరీక్ష నిర్వహణ – 113 పోస్టులు – కంప్యూటర్ ఆధారిత రిక్రూట్మెంట్ పరీక్ష.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xE