తిరుమల శ్రీవారి ఆల‌యంలో అక్టోబ‌రు 25న సూర్యగ్రహణం, నవంబరు 8న చంద్రగ్రహణం కార‌ణంగా ఆ రెండు రోజుల్లో 12 గంట‌ల పాటు శ్రీవారి ఆల‌య తలుపులు మూసివేయనున్నట్టు తిరుమల తిరుపతి దేవస్థానం (టీటీడీ) తెలిపింది. ఆయా రోజుల్లో బ్రేక్ దర్శనం, శ్రీ‌వాణి, రూ.300 ప్ర‌త్యేక ప్ర‌వేశ దర్శనం, ఇత‌ర ఆర్జిత సేవ‌ల‌ను ర‌ద్దు చేస్తున్నామని, స‌ర్వ‌ద‌ర్శ‌నం భ‌క్తుల‌ను మాత్ర‌మే అనుమతించనున్నట్టు టీటీడీ పేర్కొంది. ఈ మేరకు టీటీడీ ఒక ప్రకటన విడుదల చేసింది.
“అక్టోబ‌రు 25న మంగ‌ళ‌వారం సాయంత్రం 5.11 గంట‌ల నుండి 6.27 గంట‌ల వ‌ర‌కు సూర్యగ్రహణం ఉంటుంది. ఈ కార‌ణంగా ఉద‌యం 8.11 నుండి రాత్రి 7.30 గంట‌ల‌కు శ్రీవారి ఆల‌య తలుపులు మూసి ఉంచుతారు. ఈ కార‌ణంగా బ్రేక్ దర్శనం, శ్రీ‌వాణి, రూ.300 ప్ర‌త్యేక ప్ర‌వేశ దర్శనం, వృద్ధులు, విక‌లాంగులు, చంటిపిల్ల‌ల త‌ల్లిదండ్రులు, ర‌క్ష‌ణ సిబ్బంది, ఎన్ఆర్ఐల ద‌ర్శ‌నంతోపాటు ఆర్జిత సేవ‌లైన క‌ల్యాణోత్స‌వం, ఊంజ‌ల్‌సేవ, ఆర్జిత బ్ర‌హ్మోత్స‌వం, స‌హ‌స్ర‌దీపాలంకార సేవ‌ల‌ను ర‌ద్దు చేశాం. స‌ర్వ‌ద‌ర్శ‌నం భ‌క్తుల‌ను మాత్ర‌మే అనుమ‌తిస్తాం” అని టీటీడీ పేర్కొంది.
“అలాగే నవంబరు 8న మంగ‌ళ‌వారం మ‌ధ్యాహ్నం 2.39 గంట‌ల నుండి సాయంత్రం 6.27 గంట‌ల వ‌ర‌కు చంద్రగ్రహణం ఉంటుంది. ఈ కార‌ణంగా ఉద‌యం 8.40 నుండి రాత్రి 7.20 గంట‌ల‌కు శ్రీవారి ఆల‌య తలుపులు మూసి ఉంచుతారు. ఈ కార‌ణంగా బ్రేక్ దర్శనం, శ్రీ‌వాణి, రూ.300 ప్ర‌త్యేక ప్ర‌వేశ దర్శనం, వృద్ధులు, విక‌లాంగులు, చంటిపిల్ల‌ల త‌ల్లిదండ్రులు, ర‌క్ష‌ణ సిబ్బంది, ఎన్ఆర్ఐల ద‌ర్శ‌నంతోపాటు ఆర్జిత సేవ‌లైన క‌ల్యాణోత్స‌వం, ఊంజ‌ల్‌సేవ, ఆర్జిత బ్ర‌హ్మోత్స‌వం, స‌హ‌స్ర‌దీపాలంకార‌సేవ‌ల‌ను ర‌ద్దు చేశాం. స‌ర్వ‌ద‌ర్శ‌నం భ‌క్తుల‌ను మాత్ర‌మే అనుమ‌తిస్తాం” అని టీటీడీ తెలిపింది. భ‌క్తులు ఈ విష‌యాన్ని గ‌మ‌నించి స‌హ‌క‌రించాల‌ని టీటీడీ విజ్ఞప్తి చేసింది.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEY
 తెలిపింది. Tirumala Temple To Stay Closed On Oct 25 And Nov 8, Tirumala Temple Doors Closed For 12 Hours, TTD Announces Tirumala Closed on Oct 25 And Nov 8,){kind=link}