ఉక్రెయిన్‌లో చిక్కుకున్న తెలంగాణ వారి కోసం న్యూఢిల్లీ, హైదరాబాద్ లో హెల్ప్ లైన్ సెంటర్స్ ఏర్పాటు

February 26, 2022

రష్యా సైనిక చర్యతో ఉక్రెయిన్‌ లో ఉద్రిక్త పరిస్థితులు నెలకున్న విషయం తెలిసిందే. కాగా ఈ పరిస్థితుల్లో పలువురు తెలంగాణ రాష్ట్రానికి చెందిన విద్యార్థుల కూడా ఉక్రెయిన్‌ లో చిక్కుకుపోయారు. ఈ నేపథ్యంలో ముఖ్యమంత్రి కె.చంద్రశేఖర్ రావు ఆదేశాల మేరకు ఉక్రెయిన్‌ లో చిక్కుకుపోయిన విద్యార్థులకు సహాయం అందించేందుకు తెలంగాణ రాష్ట్ర ప్రభుత్వం న్యూఢిల్లీతో పాటుగా తెలంగాణ సెక్రెటేరియట్ లలో హెల్ప్ లైన్ సెంటర్స్ ఏర్పాటు చేసింది. అలాగే కేంద్ర విదేశీ వ్యవహారాల మంత్రిత్వ శాఖతో సమన్వయం చేసుకుని, ఉక్రెయిన్‌ లో చిక్కుకున్న విద్యార్థులకు/వలసదారులుకు సాధ్యమైన అన్ని విధాల మద్దతును అందించాలని ఢిల్లీలోని తెలంగాణ భవన్ రెసిడెంట్ కమిషనర్ కు రాష్ట్ర ప్రభుత్వ ప్రధాన కార్యదర్శి సోమేశ్ కుమార్ సూచించారు.