గ్రేటర్ హైదరాబాద్ మున్సిపల్ కార్పోరేషన్ (జీహెచ్ఎంసీ) ఎన్నికలకు షెడ్యూల్ విడుదలైన సంగతి తెలిసిందే. ఈ నేపథ్యంలో ఎన్నికల సమయంలో ప్రస్తుత కరోనా మహమ్మారి పరిస్థితుల దృష్ట్యా తీసుకోవాల్సిన జాగ్రత్తలు, చర్యలపై రాష్ట్ర ఎన్నికల సంఘం తాజాగా మార్గదర్శకాలను విడుదల చేసింది. ఈ ఎన్నికల్లో అమలు చేసే కరోనా నిబంధనలను కేంద్ర వైద్య ఆరోగ్య శాఖ, హోం శాఖతో పాటుగా రాష్ట్ర ప్రభుత్వ నిబంధనలను కూడా పరిగణనలోకి రూపొందించినట్లుగా వెల్లడించారు.
మొత్తం ఎలక్షన్ పక్రియలో ప్రతి ఒక్కరూ అనుసరించాల్సిన సాధారణ మార్గదర్శకాలు:
- ప్రతి వ్యక్తి ఫేస్ మాస్క్ ధరించాలి – (“నో మాస్క్ నో ఎంట్రీ”)
- ఎన్నికల కోసం ఉపయోగించే అన్ని పోలింగ్ స్టేషన్స్/ప్రాంగణాలు ప్రవేశాల వద్ద శానిటైజేర్ అందుబాటులో ఉంచాలి.
- రాష్ట్ర ప్రభుత్వం మరియు హోం వ్యవహారాల మంత్రిత్వ శాఖ యొక్క కోవిడ్-19 మార్గదర్శకాల ప్రకారం భౌతిక దూరం అమలుచేయబడుతుంది.
- ఆచరణ సాధ్యమైనంతవరకు పెద్ద హాల్స్ ను గుర్తించి భౌతిక దూర ప్రమాణాలను నిర్ధారించి, ఎన్నికల కోసం ఉపయోగించాలి.
- కోవిడ్-19 మార్గదర్శకాలకు అనుగుణంగా ఉండేలా పోలింగ్ సిబ్బంది మరియు భద్రతా సిబ్బంది కదలిక కోసం తగినంత సంఖ్యలో వాహనాలను సమీకరించాలి.
- ఎన్నికల సంబంధిత సిబ్బంది అందరూ ఆరోగ్య సేతు యాప్ను తప్పనిసరిగా డౌన్ లోడ్ చేయాలి.
———————– - ఇక నామినేషన్ వేసే సమయంలో అభ్యర్థితో పాటుగా ఇద్దరికి మాత్రమే అనుమతి. అలాగే రెండు వాహనాలను మాత్రమే వినియోగించాలి.
- ఇక భద్రతా సిబ్బంది కాకుండా ఇంటింటికి ప్రచారం చేసే సమయంలో ఐదుగురి సభ్యుల బృందానికి మాత్రమే అనుమతి.
- ప్రచారం కోసం వినియోగించే కాన్వాయ్లో రెండు వాహనాల మధ్య కనీస దూరం 100 మీటర్లు ఉండేలా చూసుకోవాలి.
- అభ్యర్థుల నిర్వహించే రోడ్ షోలకు లేదా ఇరు పార్టీల ప్రచారం మధ్య కనీసం అరగంట పాటుగా విరామం ఉండాలి.
- దివ్యాంగులు, 80 ఏళ్లు పైబడిన పెద్దలు, నోటిఫైడ్ అత్యవసర సేవల్లో ఉన్నవారు పోస్టల్ బ్యాలెట్ సదుపాయాన్ని వినియోగించుకోవచ్చు.
- కౌంటింగ్ సమయంలో హాల్లో 10 కౌంటింగ్ టేబుళ్లకు మించి ఏర్పాటు చేయకూడదు.
- కౌంటింగ్ మొదలయ్యే ముందు అన్ని బ్యాలెట్ బాక్సులను తప్పనిసరిగా శానిటైజ్ చేయాలి.
మ్యాంగో న్యూస్ యాప్ లింక్స్:
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ