ఈ ఏడాది ఓవల్‌లో జరగనున్న ఐసీసీ వరల్డ్ టెస్ట్ ఛాంపియన్‌షిప్ 2023 ఫైనల్ నిర్వహణకు తేదీలు నిర్ధారించబడ్డాయని అంతర్జాతీయ క్రికెట్ కౌన్సిల్ (ఐసీసీ) బుధవారం ప్రకటించింది. వరల్డ్ టెస్ట్ ఛాంపియన్‌షిప్-2023/రెండో ఎడిషన్ ఫైనల్ మ్యాచ్ జూన్ 7 నుండి 11 వరకు లండన్‌ లోని ఓవల్‌ స్టేడియంలో జరుగుతుందని ఐసీసీ తెలిపింది. జూన్ 12ను రిజర్వ్ డేగా ప్రకటించారు. సౌతాంప్టన్‌లో జరిగిన వరల్డ్ టెస్ట్ ఛాంపియన్‌షిప్-2021 ఫైనల్‌లో న్యూజిలాండ్ ఎనిమిది వికెట్ల తేడాతో భారత్‌ను ఓడించి ప్రారంభ ఎడిషన్‌ను గెలుచుకుంది.
కాగా ప్రస్తుత ఐసీసీ వరల్డ్ టెస్ట్ ఛాంపియన్‌షిప్ 2021-23 సైకిల్/సీజన్ 2021, జూలై నుండి 2023 జూన్ వరకు నడువనున్న విషయం తెలిసిందే. ఇందులో మొదటి తొమ్మిది టెస్ట్ జట్లు పాల్గొంటుండగా, ఒక్కొక్కటి ఆరు సిరీస్‌లను (మూడు స్వదేశంలో మరియు మూడు బయట) ఆడుతున్నాయి. ఈ సీజన్ లో మొదటి రెండు స్థానాల్లో నిలిచిన జట్లు వరల్డ్ టెస్ట్ ఛాంపియన్‌షిప్-2023 ఫైనల్‌లో తలపడనున్నాయి. ప్రస్తుతం ఈ రేసులో ఆస్ట్రేలియా 75.56 పర్సెంటేజ్ తో (136 పాయింట్స్) మొదటి స్థానంలో, భారత్ జట్టు 58.93 పర్సెంటేజ్ తో (99 పాయింట్స్) రెండో స్థానంలో ఉంది. ఫిబ్రవరి 9 నుండి నాగ్‌పూర్‌ లో ప్రారంభమయ్యే బోర్డర్-గవాస్కర్ ట్రోఫీ నాలుగు-మ్యాచ్‌ల టెస్ట్ సిరీస్‌లో భారత్, ఆస్ట్రేలియా జట్లు తలపడనున్నాయి. ఈ సిరీస్ తుది ఫలితం వరల్డ్ టెస్ట్ ఛాంపియన్‌షిప్ ఫైనలిస్టులను నిర్ణయించడంలో ముఖ్యమైన పాత్ర పోషించనుంది.
ఐసీసీ వరల్డ్ టెస్ట్ ఛాంపియన్‌షిప్-2023 ప్రస్తుత టేబుల్ వివరాలు:
1.ఆస్ట్రేలియా – 75.56 పర్సెంటేజ్- 136 పాయింట్స్
2. భారత్ – 58.93 పర్సెంటేజ్ – 99 పాయింట్స్
3. శ్రీలంక – 53.33 పర్సెంటేజ్ – 64 పాయింట్స్
4. సౌతాఫ్రికా – 48.72 పర్సెంటేజ్ – 76 పాయింట్స్
5. ఇంగ్లాండ్ – 46.97 పర్సెంటేజ్ – 124 పాయింట్స్
6. వెస్టిండీస్ – 40.91 పర్సెంటేజ్ – 54 పాయింట్స్
7. పాకిస్తాన్ – 38.1 పర్సెంటేజ్ – 64 పాయింట్స్
8. న్యూజిలాండ్ – 27.27 పర్సెంటేజ్ – 36 పాయింట్స్
9. బంగ్లాదేశ్ – 11.11 పర్సెంటేజ్ – 16 పాయింట్స్.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xE
