దేశంలో మళ్ళీ పెరిగిన ఎల్‌పీజీ సిలిండర్ ధరలు.. ఈసారి ఎంత పెరిగాయంటే?

May 19, 2022

గురువారం వంట గ్యాస్ ఎల్‌పీజీ సిలిండర్ ధరలు మరోసారి పెరిగాయి. ఈ నెలలో గ్యాస్ సిలిండర్ ధరలు పెరగడం రెండవసారి కావడం విశేషం. ఈరోజు నుంచి అమలులోకి వచ్చిన ధరల ప్రకారం.. 14.2 కిలోల గృహ అవసరాల ఎల్‌పీజీ సిలిండర్ ధర రూ. 3.50 పెరిగింది. దీంతో దేశవ్యాప్తంగా అన్ని రాష్ట్రాలలో ఎల్‌పీజీ సిలిండర్ ధరలు రూ. 1,000 మార్కును అధిగమించాయి. నేటి నుండి, 14.2 కిలోల డొమెస్టిక్ ఎల్‌పీజీ సిలిండర్లు ఢిల్లీ మరియు ముంబైలలో రూ. 1,003కి చేరుకుంది. కోల్‌కతాలో రూ. 1,029గా ఉండగా చెన్నైలో దీని ధర రూ. 1,018.5 గా ఉంది. దీనికి ముందు మే 7న కూడా గ్యాస్ ధరలు ₹50 పెంచబడ్డాయి.

దీని కారణంగా దేశ రాజధానిని మినహాయించి అనేక నగరాల్లో ఎల్‌పీజీ సిలిండర్ ధర రూ. 1,000 మార్క్‌ను దాటింది. అయితే, నేటి పెంపు తర్వాత ఢిల్లీ కూడా రూ. 1,000 మార్కును దాటింది. ఏప్రిల్‌లో వినియోగదారుల ధరల సూచీ ఆధారిత రిటైల్ ద్రవ్యోల్బణం మే 2014 తర్వాత అత్యధికంగా 7.8 శాతానికి పెరిగిన సమయంలో ఎల్‌పీజీ సిలిండర్‌ల ధరలలో పెరుగుదల కనిపించింది. అలాగే కమర్షియల్ సిలిండర్ ధర రూ. 8 పెరిగింది. ఢిల్లీలో 19 కిలోల ఎల్‌పీజీ సిలిండర్ ఇప్పుడు రూ. 2,354గా ఉంది. మే 1న హోటళ్లు మరియు రెస్టారెంట్లు వంటి వాటిలో ఉపయోగించే 19 కిలోల వాణిజ్య ఎల్‌పీజీ సిలిండర్ ధర రూ. 102.50 పెరిగి రూ. 2,355.50కి చేరింది. తాజాగా మరోసారి రూ. 8 పెరిగింది.