సుప్రీంకోర్టు జడ్జిలుగా ఐదుగురు పేర్లు కేంద్ర ప్రభుత్వానికి సిఫార్సు చేసిన కొలీజియం

December 14, 2022

సుప్రీంకోర్టు ప్రధాన న్యాయమూర్తి జస్టిస్ డివై చంద్రచూడ్ నేతృత్వంలోని సుప్రీంకోర్టు కొలీజియం డిసెంబర్ 13, మంగళవారం నాడు సుప్రీంకోర్టుకు న్యాయమూర్తులుగా(జడ్జిలు) నియామకం కోసం ఐదుగురు పేర్లను సిఫారసు చేసింది. సుప్రీంకోర్టు కొలీజియం మంగళవారం సమావేశమై ఈ నియామకాలపై చర్చించింది. అనంతరం ఐదుగురు హైకోర్టు చీఫ్ జస్టిస్/జడ్జిలకు పదోన్నతి కల్పిస్తూ సుప్రీంకోర్టు జడ్జిలుగా నియమించడానికై కేంద్ర ప్రభుత్వానికి సిఫార్సు చేస్తునట్టు అధికారికంగా ప్రకటన విడుదల చేశారు. సుప్రీంకోర్టులో ప్రస్తుతం జడ్జిల సంఖ్య 28 ఉండగా, తాజాగా కొలీజియం సిఫార్సు చేసిన ఐదుగురు పేర్లను కేంద్ర ప్రభుత్వం నోటిఫై చేస్తే ఆ సంఖ్య 33 కు చేరనుంది.