సీడబ్ల్యూసీ స్థానంలో 47 మంది నేతలతో స్టీరింగ్ కమిటీ ఏర్పాటు, కాంగ్రెస్‌ అధ్యక్షుడు ఖర్గే కీలక నిర్ణయం

October 27, 2022

కాంగ్రెస్‌ పార్టీ జాతీయ అధ్యక్షుడిగా మల్లికార్జున్ ఖర్గే అక్టోబర్ 26, బుధవారం బాధ్యతలు చేపట్టిన విషయం తెలిసిందే. ఈ నేపథ్యంలో బాధ్యతలు చేపట్టిన మొదటిరోజునే మల్లికార్జున ఖర్గే కీలక నిర్ణయం తీసుకున్నారు. ఇప్పటివరకు ఉన్న కాంగ్రెస్ వర్కింగ్ కమిటీ (సీడబ్ల్యూసీ) స్థానంలో కాంగ్రెస్ అధ్యక్షుడు మల్లికార్జున్ ఖర్గే స్టీరింగ్ కమిటీని ఏర్పాటు చేశారు. మొత్తం 47 మంది సీనియర్‌ నేతలతో స్టీరింగ్ కమిటీ ఏర్పాటు చేశారు. ఇందులో మాజీ ప్రధాని మన్మోహన్‌సింగ్‌, సోనియా గాంధీ, రాహుల్‌ గాంధీ తదితర పార్టీల సీనియర్‌ నేతలు సభ్యులుగా ఉన్నారు. అలాగే తెలుగు రాష్ట్రాల నుంచి టి.సుబ్బిరామిరెడ్డికి మాత్రమే అవకాశం దక్కింది. ఇక ఈ కమిటీలో కాంగ్రెస్ అధ్యక్ష ఎన్నికల్లో పోటీచేసిన ప్రత్యర్థి శశి థరూర్‌కు చోటు దక్కలేదు.