బెంగళూరులో ప్రధాని మోదీని కలిసిన పలువురు కర్ణాటక సినీ, క్రీడా ప్రముఖులు

February 13, 2023

కర్ణాటక పర్యటనలో భాగంగా ప్రధానమంత్రి నరేంద్ర మోదీ ఏరో ఇండియా 2023 కోసం బెంగళూరు వచ్చిన విషయం తెలిసిందే. ఈ క్రమంలో ఆయన నగరంలో ఉన్నప్పుడు పలువురు ప్రముఖులు బెంగళూరులో కలుసుకున్నారు. వీరిలో ‘కేజీఎఫ్’ సినిమా ఫేమ్ యష్ మరియు ‘కాంతారా’ ద్వారా దేశవ్యాప్తంగా గుర్తింపు పొందిన రిషబ్ శెట్టి తదితరులు ప్రధానిని కలిసిన వారిలో ఉన్నారు. పరిశ్రమకు ఇంత గొప్ప విజయాన్ని అందించినందుకు ఈ ఇద్దరు స్టార్‌లను ప్రధాని మోదీ అభినందించారు. అలాగే ఈ సందర్భంగా తన పని ద్వారా భారతదేశ సంస్కృతికి మరియు గుర్తింపుకు కన్నడ చలనచిత్ర పరిశ్రమ గొప్ప ప్రోత్సాహాన్ని ఇచ్చిందని సినీ తారలతో అన్నారు.

Inspiring meeting PM @narendramodi ಅವರು as we discussed role of Entertainment industry in shaping New India and Progressive Karnataka. Proud to contribute towards #BuildingABetterIndia 🇮🇳 Your visionary leadership inspires us & your encouragement means the world to us @PMOIndia pic.twitter.com/M95vv2cJk2

— Rishab Shetty (@shetty_rishab) February 13, 2023

కాగా బీజేపీ కర్ణాటక అధికారిక ట్విట్టర్ హ్యాండిల్ ప్రకారం, ప్రధాని మోదీ సంస్కృతి, నవ భారతం మరియు కర్ణాటక రాష్ట్రం గురించి స్టార్‌లతో చర్చించారు. ఇంకా సినిమాలకు సంబంధించిన కోర్సులను అందించడానికి మా ఐటీఐలను ఉపయోగించుకోవాల్సిన అవసరం గురించి మాట్లాడారు’ అని పేర్కొన్నారు. ఇక కన్నడ స్టార్ దివంగత పునీత్ రాజ్‌కుమార్ భార్య అశ్విని పునీత్ రాజ్‌కుమార్‌ కూడా ప్రధానిని కలిశారు. బెంగళూరులోని ఒక రహదారికి డాక్టర్ పునీత్ రాజ్‌కుమార్ రోడ్డు అని పేరు పెట్టినందుకు కర్ణాటక ప్రభుత్వానికి గత వారమే అశ్విని కృతజ్ఞతలు తెలిపారు. అలాగే పలువురు మాజీ భారత క్రికెటర్లు ప్రధాని మోదీని కలిశారు. వీరిలో మాజీ కెప్టెన్, దిగ్గజ స్పిన్నర్ అనిల్ కుంబ్లే, మాజీ ఆటగాళ్లు జవగళ్ శ్రీనాథ్ మరియు వెంకటేష్ ప్రసాద్ తదితరులు ఉన్నారు.

It was an honour to meet our Hon. Prime Minister Shri @narendramodi ji yesterday at Rajbhavan, Bengaluru along with my cricketing colleagues. Will cherish our interaction. Thank you @PMOIndia pic.twitter.com/KYk7QOF7CE

— Anil Kumble (@anilkumble1074) February 13, 2023