ప్రశాంత్ నీల్ దర్శకత్వంలో కన్నడ స్టార్ హీరో యశ్ ప్రధాన పాత్రలో నటించిన చిత్రం ‘కేజీఎఫ్’. గత సంవత్సరం విడుదలై బాక్సాఫీస్ దగ్గర ఘనమైన రికార్డ్స్ సృష్టించిన ఈ చిత్రంయొక్క రెండో భాగం ‘కేజీఎఫ్ -2’ చిత్రీకరణ జరుపుకుంటుంది. కేజీఎఫ్ హిందీ, తమిళ్, తెలుగు భాషల్లో కూడా ఘన విజయం సాధించడంతో, రెండవ చాప్టర్ లో ప్రత్యేక శ్రద్ద తీసుకొని అన్ని భాషలకు చెందిన నటులను తగిన పాత్రలకు ఎంచుకున్నారు. కేజీఎఫ్-2 చిత్రంలో మెయిన్ విలన్ అధీరా ఫస్ట్ లుక్ ను చిత్ర బృందం ఈరోజు విడుదల చేశారు. అధీరా పాత్రను ప్రముఖ బాలీవుడ్ నటుడు సంజయ్ దత్ పోషిస్తున్నారు.
ఈ రోజు సంజయ్ దత్ పుట్టినరోజుని పురస్కరించుకుని సినిమాలో ఆయన లుక్ ని విడుదల చేసారు. తలపాగా చుట్టుకొని కళ్ళు మాత్రమే కనిపించే విధంగా ఉన్న సంజయ్ దత్ లుక్ అభిమానులు, ప్రేక్షకుల నుండి మంచి రెస్పాన్స్ రాబట్టుకుంది. ఈ సినిమాలో హీరోయిన్ గా శ్రీనిధి శెట్టి నటిస్తుండగా, హోంబళే ఫిలిమ్స్, వారాహి చలన చిత్ర సంస్థలు ఈ చిత్రాన్ని నిర్మిస్తున్నాయి. అద్భుతమైన మాస్ సన్నివేశాలతో రూపొందించిన కేజీఎఫ్ సంచలన విజయం సాధించడంతో, కేజీఎఫ్ చాప్టర్-2 పై ప్రేక్షకులకు భారీ అంచనాలు ఉన్నాయి. మొదటిభాగం తో దేశవ్యాప్తంగా క్రేజ్ సంపాదించుకున్న యశ్ కు, ఇప్పుడు సంజయ్ దత్ కూడ తోడవడంతో వారి మధ్య పోరు కొరకు అభిమానులు ఎదురు చూస్తున్నారు, కేజీఎఫ్-2 చిత్రం ఈ ఏడాది చివర్లో ప్రేక్షకుల ముందుకు రానుంది.