ప్రముఖ సీనియర్ నటుడు, రచయిత రావి కొండలరావు జూలై 28, మంగళవారం నాడు కన్నుమూశారు. ఆయన వయస్సు 88 సంవత్సరాలు. హైదరాబాద్ నగరంలోని ఓ ప్రైవేటు ఆస్పత్రిలో చికిత్స పొందుతూ గుండెపోటుతో ఆయన తుదిశ్వాస విడిచారు. సినీ రంగంలో బహుముఖ ప్రజ్ఞాశాలిగా రావి కొండలరావు పేరు ప్రఖ్యాతలు సంపాదించారు. నటుడిగానే కాకుండా, రచయితగా, దర్శకుడిగా, నిర్మాతగా, డబ్బింగ్ ఆర్టిస్టుగా, జర్నలిస్టుగా సేవలు అందించారు. 600కు పైగా తెలుగు చిత్రాల్లో కీలక పాత్రలు పోషించారు. ఆయన భార్య, ప్రముఖ నటి రాధాకుమారితో జంటగా పలు చిత్రాల్లో నటించారు. రావి కొండలరావు మృతి పట్ల పలువురు సినీ ప్రముఖులు, అభిమానులు సంతాపం తెలిపారు.
Home తెలంగాణ
- Advertisement -