దేశం బలాన్ని యావత్ ప్రపంచానికి చాటిచెప్పేందుకు జీ-20 ప్రెసిడెన్సీ ఒక విశిష్ట అవకాశం: ప్రధాని మోదీ

December 6, 2022

భారతదేశం యొక్క జీ-20 ప్రెసిడెన్సీ/అధ్యక్షతకి సంబంధించిన అంశాలను చర్చించడానికి డిసెంబర్ 5, సోమవారం సాయంత్రం న్యూఢిల్లీలో అఖిలపక్ష సమావేశం జరిగింది. ప్రధానమంత్రి నరేంద్ర మోదీ అధ్యక్షతన జరిగిన ఈ సమావేశంలో పలు రాష్ట్రాల ముఖ్యమంత్రులు, వివిధ రాజకీయ పార్టీల అధ్యక్షులు పాల్గొన్నారు. ఈ సందర్భంగా ప్రధాని మోదీ మాట్లాడుతూ, భారతదేశం యొక్క జీ-20 ప్రెసిడెన్సీ మొత్తం దేశానికి చెందినదని మరియు భారతదేశం యొక్క బలాన్ని యావత్ ప్రపంచానికి చాటిచెప్పేందుకు ఇది ఒక విశిష్ట అవకాశం అని పేర్కొన్నారు. ఈ రోజు భారతదేశం పట్ల ప్రపంచవ్యాప్త ఉత్సుకత మరియు ఆకర్షణ ఉందని, ఇది భారతదేశం యొక్క జీ20 ప్రెసిడెన్సీ సామర్థ్యాన్ని మరింత పెంచుతుందని ప్రధాని అన్నారు.

ప్రధాని మోదీ టీం వర్క్ యొక్క ప్రాముఖ్యతను నొక్కి చెప్తూ, దేశంలో జరిగే వివిధ జీ-20 ఈవెంట్‌ల నిర్వహణలో నాయకులందరి సహకారాన్ని కోరారు. జీ-20 ప్రెసిడెన్సీ దేశంలోని పెద్ద మెట్రో నగరాలను మించి, దేశంలోని ఇతర భాగాలను ప్రదర్శించడంలో సహాయపడుతుందని, తద్వారా మన దేశంలోని ప్రతి భాగం యొక్క ప్రత్యేకతను బయటకు తీసుకురావాలని ప్రధాని అన్నారు. దేశం యొక్క జీ-20 ప్రెసిడెన్సీ సమయంలో దేశానికి వచ్చే పెద్ద సంఖ్యలో సందర్శకులను హైలైట్ చేస్తూ, జీ-20 సమావేశాలు నిర్వహించబడే వేదికల యొక్క పర్యాటకాన్ని ప్రోత్సహించడం మరియు స్థానిక ఆర్థిక వ్యవస్థలను పెంచడం వంటి అవకాశాలను ప్రధాని గుర్తుచేశారు.

ప్రధాని మోదీ మాట్లాడే ముందు, వివిధ రాజకీయ నాయకులు భారతదేశం యొక్క జీ-20 ప్రెసిడెన్సీపై తమ విలువైన ఆలోచనలను పంచుకున్నారు, ఇందులో జేపీ నడ్డా, మల్లికార్జున్ ఖర్గే, మమతా బెనర్జీ, నవీన్ పట్నాయక్, అరవింద్ కేజ్రీవాల్, వైఎస్ జగన్ మోహన్ రెడ్డి, ఎం.కె.స్టాలిన్, సీతారాం ఏచూరి, చంద్రబాబు నాయుడు, ఎడప్పాడి కె.పళనిస్వామి, పశుపతినాథ్ పరాస్, ఏక్ నాథ్ షిండే మరియు కె.ఎం.కాదర్ మొహిదీన్ ఉన్నారు. అలాగే జీ-20 అధ్యక్షత గురించి కేంద్ర హోం మంత్రి అమిత్ షా మరియు కేంద్ర ఆర్థిక మంత్రి నిర్మలా సీతారామన్ కొద్దిసేపు మాట్లాడారు. అలాగే అఖిలపక్ష సమావేశం సందర్భంగా భారతదేశం యొక్క జీ-20 ప్రాధాన్యతలకు సంబంధించిన అంశాలతో కూడిన వివరణాత్మక ప్రదర్శన కూడా చేయబడింది. ఈ సమావేశానికి హాజరైన వారిలో కేంద్ర మంత్రులు రాజ్‌నాథ్ సింగ్, అమిత్ షా, నిర్మలా సీతారామన్, డా.ఎస్. జైశంకర్, పీయూష్ గోయల్, ప్రహ్లాద్ జోషి, భూపేందర్ యాదవ్ మరియు మాజీ ప్రధానమంత్రి హెచ్.డి.దేవెగౌడ కూడా ఉన్నారు.