రవాణా శాఖలో తెలంగాణ రాష్ట్ర ప్రభుత్వం ఇటీవల కొత్త ప్రయోగాలకు శ్రీకారం చుడుతున్న సంగతి తెలిసిందే. ఆధునిక సాంకేతిక పరిజ్ఞానంతో వాహనదారులకు అన్ని రకాల సేవలు అందించేందుకు చర్యలు చేపడుతున్నారు. ఈ నేపథ్యంలో జూలై 24 న 5 రకాల రవాణా సేవలు ఆన్లైన్ ద్వారా అందుబాటులోకి తీసుకురాగా, తాజాగా సెప్టెంబర్ 2, బుధవారం నుంచి మరో ఆరు రకాల ఆన్లైన్ సేవలను అందుబాటులోకి తీసుకొచ్చారు. ఈ సేవల కోసం ఆర్టీఏ ఆఫీసులకు వెళ్లకుండానే ఇంటి వద్దనుంచే ఆన్లైన్ ద్వారా పొందవచ్చని తెలంగాణ రాష్ట్ర రవాణాశాఖ మంత్రి పువ్వాడ అజయ్కుమార్ ఓ ప్రకటనలో వెల్లడించారు. మధ్యవర్తులు, దళారులను ఆశ్రయించాల్సిన అవసరం లేకుండా, పదే పదే ఆఫీసుల చుట్టూ తిరగకుండా నేరుగా ఆన్లైన్లో ఈ సేవలను పొందవచ్చని తెలిపారు. రవాణా శాఖలో మరికొన్ని ఆన్లైన్ సేవలను కూడా త్వరలో ప్రారంభించే అవకాశం ఉందని పేర్కొన్నారు.
ఆర్టీఏలో అందుబాటులోకి వచ్చిన 6 ఆన్లైన్ సేవలు:
- డ్రైవింగ్ లైసెన్స్ రెన్యూవల్
- డ్రైవింగ్ లైసెన్స్లో అడ్రస్ రెన్యూవల్
- ప్రమాదకర పదార్ధాలు రవాణా చేసే వాహనాల లైసెన్స్ ధ్రువీకరణ
- గడువు పూర్తైన లెర్నర్ లైసెన్స్ స్థానంలో కొత్త లెర్నర్ లైసెన్స్
- గడువు పూర్తైన డ్రైవింగ్ లైసెన్స్ కోసం లెర్నర్ లైసెన్స్
- డ్రైవింగ్ లైసెన్స్ అప్ గ్రేడ్ ( టూ వీలర్ నుంచి ఫోర్ వీలర్ – లెర్నర్ లైసెన్స్)
మ్యాంగో న్యూస్ యాప్ లింక్స్:
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJu