తెలుగు సినీపరిశ్రమకు సంబంధించిన మూవీ ఆర్టిస్ట్స్ అసోసియేషన్ (మా) ఎన్నికలు అక్టోబర్ 10న జరగనున్నాయి. ‘మా’ అధ్యక్ష పదవికి పోటీచేస్తున్న నటుడు మంచు విష్ణు ఇప్పటికే నామినేషన్ దాఖలు చేసి, తన ప్యానెల్ సభ్యులతో కలిసి ప్రచారాన్ని కొనసాగిస్తున్నారు. ఈ నేపథ్యంలో తాజాగా ‘మా’ కోసం మనమందరం పేరుతో తన ప్యానెల్ కు సంబంధించిన ‘మా’ మేనిఫెస్టోను మంచు విష్ణు విడుదల చేశారు.
‘మా’ ఎన్నికల్లో మంచు విష్ణు మేనిఫెస్టో ఇదే:
- ‘మా’ సభ్యులకు అవకాశాలు. మా యాప్ క్రియేట్ చేసి, జాబ్ కమిటీ ద్వారా సినిమాల్లో, ఓటీటీల్లో అవకాశాలు కల్పించేలా ప్రయత్నం.
- అత్యాధునిక సౌకర్యాలతో ‘మా’ సొంత భవనము నిర్మాణం.
- అర్హులైన ‘మా’ సభ్యులకు శాశ్వత నివాస గృహ నిర్మాణం.
- ‘మా’ సభ్యులకు వైద్య సహాయం
- చదువుల తల్లి: అర్హులైన ‘మా’ సభ్యుల పిల్లలకు కేజీ నుంచి పీజీ వరకు విద్యా సహాయం.
- కల్యాణ లక్ష్మి: అర్హులైన ‘మా’ సభ్యులకు ‘మా’ కల్యాణ లక్ష్మి ద్వారా లక్ష పదహారు వేల ఆర్ధిక సహాయం.
- మహిళా రక్షణా హైపవర్ కమిటీ.
- వృద్ధ కళాకారుల సంక్షేమం.
- ఓటు హక్కు : గౌరవ సభ్యత్వం ఇచ్చిన సీనియర్ సిటిజన్స్ కు ఓటు హక్కు వచ్చేలా ఏజీఎంలో ఆమోదం తెచ్చుకుని అమలు.
- ‘మా’ మెంబర్ షిప్ కార్డు: కరోనా నేపథ్యంలో ఆర్ధిక ఇబ్బందుల దృష్ట్యా కొంత కాలపరిమితి వరకు ‘మా’ మెంబర్ షిప్ ని రూ.75000 కు తగ్గించి ఇవ్వడం.
- ‘మా’ ఉత్సవాలు.
- అర్హులైన కళాకారులందరికి కేంద్ర రాష్ట్ర ప్రభుత్వ పథకాలు సక్రమంగా అందేలా చర్యలు.
- మోహన్ బాబు ఫిల్మ్ ఇన్స్టిట్యూట్ ద్వారా 50% స్కాలర్ షిప్ తో శిక్షణ.
- రెండు తెలుగు రాష్ట్రాల ప్రభుత్వాలతో సత్సంబంధాలు నెలకొల్పుకుని, సమస్యల పరిష్కారం, అభివృద్ధి ప్రణాళికలకు సంపూర్ణ సహాయసహకారాల కోసం అభ్యర్ధన.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ