ఫేక్ న్యూస్,ఫేక్ సమాచారం వ్యాప్తి: 16 యూట్యూబ్ ఛానెల్స్ పై కేంద్రం నిషేధం

April 26, 2022

దేశ భద్రతా దృష్ట్యా 16 యూట్యూబ్ ఛానెల్స్, ఒక పేస్ బుక్ అకౌంట్ పై నిషేధం విధిస్తూ కేంద్ర ప్రభుత్వం నిర్ణయం తీసుకుంది. ఈ 16 యూట్యూబ్ ఛానెల్స్ లో 10 దేశీయ ఛానెల్స్ కాగా 6 పాకిస్తాన్ కి చెందినవి ఉన్నట్టు తెలిపారు. ఐటీ రూల్స్, 2021 కింద అత్యవసర అధికారాలను ఉపయోగించుకుని వీటిపై నిషేధ ఉత్తర్వులు జారీ చేస్తునట్టు కేంద్ర సమాచార, ప్రసార మంత్రిత్వ శాఖ ప్రకటించింది. బ్లాక్ చేయబడిన యూట్యూబ్ ఛానెల్స్ యొక్క సంచిత వీక్షకుల సంఖ్య 68 కోట్లకు పైగా ఉందన్నారు. జాతీయ భద్రత, దేశం యొక్క విదేశీ సంబంధాలు మరియు పబ్లిక్ ఆర్డర్ దృక్కోణం నుండి సున్నితమైన విషయాలపై సోషల్ మీడియాలో తప్పుడు వార్తలను ప్రసారం వ్యాప్తి చేయడానికి ఈ ఛానెల్స్ ఉపయోగించబడ్డాయని పేర్కొన్నారు. ఐటి రూల్స్, 2021లోని రూల్ 18 ప్రకారం ఈ డిజిటల్ న్యూస్ పబ్లిషర్‌లు ఎవరూ మంత్రిత్వ శాఖకు సమాచారాన్ని అందించలేదని చెప్పారు.