అమెరికాలోని హెచ్1బీ వీసా హోల్డర్లకు బైడెన్ ప్రభుత్వం శుభవార్త చెప్పింది. ఇటీవలి పరిణామాల నేపథ్యంలో పెద్ద ఎత్తున ఉద్యోగాలు కోల్పోయిన హెచ్1బీ వీసాదారులకు గ్రేస్ పీరియడ్ను పొడిగించాలని నిర్ణయించింది. ఈ మేరకు ప్రెసిడెన్షియల్ అడ్వైజరీ సబ్కమిటీ నుండి ఫెడరల్ ప్రభుత్వం సిఫార్సును అందుకుంది. దీని ప్రకారం.. హెచ్1బీ వీసా గ్రేస్ పీరియడ్ని 60 నుండి 180 రోజుల వరకు పొడిగించనున్నారు. కాగా ఈమధ్య కాలంలో మైక్రోసాఫ్ట్, గూగుల్, మెటా, అమెజాన్, ట్విటర్ మొదలైన పెద్ద కంపెనీల్లో ఉద్యోగులు, ముఖ్యంగా భారతీయులు పెద్దఎత్తున తొలగించబడటం తెలిసిందే. అయితే ప్రస్తుత 60-రోజుల గ్రేస్ పీరియడ్ అనేక అడ్డంకులను కలిగి ఉంది. ఫలితంగా, చాలా మంది హెచ్1బీ వీసాదారులు దేశం విడిచి వెళ్లవలసి వస్తుంది. దీని ఫలితంగా యునైటెడ్ స్టేట్స్కు నైపుణ్యం కలిగిన కార్మికులను కోల్పోవాల్సి వస్తుందని, దీనిని నివారించడానికే ఈ నిర్ణయానికొచ్చినట్లు తెలుస్తోంది. ఇదే కనుక అమలులోకి వస్తే.. లక్షలాదిమంది భారతీయులకు ఉపశమనం కలుగనుంది.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xE