ఆల్ ఇండియా కౌన్సిల్ ఫర్ టెక్నికల్ ఎడ్యుకేషన్ (ఏఐసీటీఈ) 2022-23 విద్యా సంవత్సరానికి గానూ తాజాగా సవరించిన క్యాలెండరు ను ప్రకటించింది. ఇంజినీరింగ్/సాంకేతిక కోర్సుల మొదటి సంవత్సరం విద్యార్థులకు అక్టోబర్ 25 నుంచి తరగతులను ప్రారంభించాలని ఏఐసీటీఈ నిర్ణయించింది. పలు రాష్ట్రాల్లో ప్రవేశ పరీక్షల నిర్వహణ, ఇంజినీరింగ్ ప్రవేశాలు ఆలస్యం అయ్యే అవకాశం ఉన్న నేపథ్యంలోనే ఈ నిర్ణయం తీసుకున్నట్టు తెలుస్తుంది. కాగా ప్రస్తుత విద్యార్థులకు సెప్టెంబర్ 15 నుంచి తరగతులు ప్రారంభం కానున్నాయి..
ఏఐసీటీఈ సవరించిన అకడమిక్ క్యాలెండరు (2022-23):
- కాలేజీలకు అనుమతి ఇవ్వడానికి ఆఖరు తేదీ – జూలై 30, 2022
- కాలేజీలకు యూనివర్సిటీలు అనుబంధ గుర్తింపు ఇవ్వడం – ఆగస్టు 31, 2022
- ప్రస్తుతమున్న సాంకేతిక కోర్సుల విద్యార్థులకు తరగతులు ప్రారంభం – సెప్టెంబర్ 15, 2022
- మొదటి సంవత్సరం విద్యార్థులకు ఇండక్షన్ ప్రోగ్రాం ప్రారంభం – అక్టోబర్ 10, 2022
- సాంకేతిక కోర్సులలో పూర్తి ఫీజు వాపస్ తో సీట్ల రద్దుకు గడువు – అక్టోబర్ 20, 2022
- ఖాళీ అయిన సీట్లలో మొదటి సంవత్సర విద్యార్థులను చేర్చుకోవటానికి గడువు – అక్టోబర్ 25, 2022
- మొదటి సంవత్సరం విద్యార్థులకు క్లాసులను ప్రారంభించేందుకు తుది గడువు – అక్టోబర్ 25, 2022
- సెకండ్ ఇయర్ లో చేరేలా లాటరల్ ఎంట్రీకి గడువు – అక్టోబర్ 30, 2022
- పీజీడిఎం/పీజీసిఎం అడ్మిషన్లు పూర్తిచేసేందుకు గడువు – సెప్టెంబర్ 25, 2022
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ