తెలంగాణ రాష్ట్రంలోని లా కళాశాలల్లో 2023-2024 విద్యా సంవత్సరానికి సంబంధించి ఎల్ఎల్బీ (3 సంవత్సరాల కోర్సు)/ఎల్ఎల్బీ 5 సంవత్సరాల (ఇంటిగ్రేటెడ్ డిగ్రీ కోర్సులు) ప్రవేశాల కోసం నిర్వహించే టీఎస్ లాసెట్-2023, 2 సంవత్సరాల ఎల్ఎల్ఎం కోర్సుల్లో ప్రవేశాల కోసం నిర్వహించే పీజీఎల్ సెట్-2023 ప్రవేశ పరీక్షల షెడ్యూల్ విడుదలయింది. సోమవారం ఈ షెడ్యూల్స్ ను తెలంగాణ ఉన్నత విద్యామండలి చైర్మన్ ప్రొఫెసర్ ఆర్.లింబాద్రి, వైస్ చైర్మన్ వెంకట రమణ, ఉస్మానియా యూనివర్సిటీ వీసీ డి.రవీందర్, ఈ పరీక్షల కన్వీనర్ ప్రొఫెసర్ బీ.విజయలక్ష్మి తో కలిసి విడుదల చేశారు. కాగా టీఎస్ లాసెట్-2023, టీఎస్ పీజీఎల్సెట్-2023 లను మే 25వ తేదీన నిర్వహించనున్నారు. 2023 సంవత్సరానికి గానూ లాసెట్, పీజీఎల్సెట్ ప్రవేశ పరీక్షలను ఉస్మానియా యూనివర్సిటీ నిర్వహించనుంది.
టీఎస్ లాసెట్-2023, టీఎస్ పీజీఎల్సెట్-2023 ప్రవేశ పరీక్షల షెడ్యూల్:
- నోటిఫికేషన్ విడుదల: మార్చి 1
- ఆన్లైన్లో దరఖాస్తుల స్వీకరణ ప్రారంభం: మార్చి 2
- దరఖాస్తుల స్వీకరణ ఆఖరు తేదీ (ఆలస్య రుసుము లేకుండా) : ఏప్రిల్ 6
- ఆలస్య రుసుము రూ.500 తో దరఖాస్తుకు ఆఖరు తేదీ: ఏప్రిల్ 12
- ఆలస్య రుసుము రూ.1000 తో దరఖాస్తుకు ఆఖరు తేదీ: ఏప్రిల్ 19
- ఆలస్య రుసుము రూ.2000 తో దరఖాస్తుకు ఆఖరు తేదీ: ఏప్రిల్ 26
- ఆలస్య రుసుము రూ.4000 తో దరఖాస్తుకు ఆఖరు తేదీ: మే 3
- సబ్మిట్ చేసిన దరఖాస్తును ఎడిట్ చేసుకునే అవకాశం: మే 4 నుంచి మే 10 వరకు
- హాల్ టికెట్స్ డౌన్ లోడ్ : మే 16నుండి
- టీఎస్ లాసెట్-2023, టీఎస్ పీజీఎల్సెట్-2023 పరీక్షల నిర్వహణ : మే 25
- ప్రిలిమినరీ కీ ప్రకటన : మే 29
- ప్రిలిమినరీ కీపై అభ్యంతరాలను సమర్పించడానికి చివరి తేదీ: మే 31 (సాయంత్రం 5 గంటలకు).
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xE