హిందీ లో ఘన విజయం సాధించిన పింక్ మూవీ ని తెలుగు లో రీమేక్ చేయడానికి ప్రయత్నాలు మొదలయ్యాయి, తెలుగు చిత్రనిర్మాతలు కూడా ఎప్పటినుంచో ఈ చిత్రాన్ని రీమేక్ చేయడానికి వేగంగా అడుగులు వేస్తున్నారు. అయితే ఈ సినిమా యొక్క తెలుగు రీమేక్ రైట్స్ ని ప్రముఖ నిర్మాత దిల్ రాజు దక్కించుకున్నట్టు సమాచారం. దిల్ రాజు నిర్మాణ సంస్థ లో నిర్మించబోయే ఈ సినిమాలో కీలకమైన లాయర్ పాత్రలో నందమూరి బాలకృష్ణ నటించే అవకాశము ఉన్నట్టు తెలిసింది .
గతంలో బాలకృష్ణ అనేక రీమేక్ చిత్రాల్లో నటించి ఘన విజయాలు సాధించారు, అదే కోవలోకి ఈ చిత్రం కూడా చేరుతుందని అభిమానులు ఈ చిత్ర పూర్తి వివరాలకోసం ఎదుచూస్తున్నారు, అయితే ఈ చిత్ర నిర్మాణ వివరాలకి సంబంధించి ఇంతవరకు ఎటువంటి అధికారిక సమాచారం వెలువడలేదు, పూర్తి వివరాలకోసం మరి కొద్దీ కాలం వేచి చూడాల్సిందే. ఇదే సినిమాను ఇప్పటికే తమిళ భాషలో నేర్‌కొండ పార్‌వై పేరుతో రీమేక్ చేసారు, అజిత్ ప్రధాన పాత్రలో నటించిన ఈ చిత్రం త్వరలో విడుదలకి సిద్ధం అవుతుంది.
